На мерапрыемствы Міжнароднай федэрацыі настольнага тэнісу (ITTF) не дапусцяць ніякіх спартоўцаў і чыноўнікаў з Беларусі і Расеі.
Выканаўчы камітэт ITFF 27 ліпеня пацвердзіў адхіленне федэрацыяў Расеі і Беларусі ад фіналу чэмпіянату свету, які мусіць прайсці ў горадзе Чэнду ў цэнтральным Кітаі ў кастрычніку.
Адхіліць беларускіх і расейскіх спартоўцаў і чыноўнікаў ад сваіх мерапрыемстваў ITTF вырашыла яшчэ 1 сакавіка, цяпер рашэнне толькі пацвердзілі адносна федэрцыяў і зборных камандаў. Тое рашэнне прымалі адпаведна рэкамендацыям Міжнароднага алімпійскага камітэту – і тады ITTF выказвала салідарнасць з народам Украіны ў сувязі з пачаткам поўнамаштабнага расейскага нападу.
Спецыяльная каманда ITTF тым часам каардынуе высілкі дзеля ўдзелу ўкраінскіх спартоўцаў у спаборніцтвах у настольным тэнісе. Гэтая ж каманда адсочвае развіццё падзеяў – і не раіць выканаўчаму камітэту змяняць рашэнні адносна беларусаў і расейцаў.
Алесь Наваборскі belsat.eu
