Сіноптыкі абвясцілі жоўты ўзровень небяспекі праз навальніцы ды залевы на сераду, 27 ліпеня. Пра гэта паведамляе «Белгідрамет».
«27 ліпеня, у сераду, месцамі па Беларусі чакаюцца навальніцы, уначы ў асобных раёнах па захадзе – залевы», – гаворыцца ў паведамленні.
У Менску сёння хмарна з праясненнямі, верагоднасць ападкаў складае 80–90 %, магчымая навальніца. Тэмпература паветра да + 22 °C.
У Віцебску таксама хмарна з праясненнямі, а верагоднасць ападкаў – 60–70 %. Па астатняй частцы Беларусі абяцаюць пераменную воблачнасць з верагоднасцю ападкаў 5–10 %.
Між тым, у Беларусі ўвялі забарону і абмежаванне на наведанне лясоў у 26 раёнах краіны, большая частка з іх – у Гомельскай і Берасцейскай вобласцях.
Алена Рувіна belsat.eu