У Крэве на паўночным захадзе краіны працягваюць рэстаўрацыю Крэўскага замку. Днямі там, у Малой вежы, знайшлі старажытны тунэль сходаў. Пра гэта паведамляе «Рэгіянальная газета».
«Гэта вельмі рэдкая знаходка, бо многія канструкцыйныя элементы былі панішчаныя ў замку войнамі, найперш Першай сусветнай», – кажа навуковец Алег Дзярновіч.
На прыступках нават маюцца адбіткі драўляных бэлек, якія ляжалі на цэгле, змацаванай вапнавай рошчынай.
Навуковец адзначае, што падобны тунэль, але відаць, трохі большы меўся і ў Княскай вежы. Таму новая знаходка мае і вельмі практычны сэнс – дапаможа рэстаўратарам пры складанні праекту рэканструкцыі Крэўскага данжона.
Алена Рувіна belsat.eu