Міліцыя ў Гомлі разагнала імпрэзу ў парку Гомельскага палацава-паркавага ансамблю, зладжаную валанцёрамі для дзяцей уцекачоў з Украіны, паведамляе тэлеграм-канал «Флагшток».
Здымак мае ілюстрацыйны характар.
Фота: flagstock.info
Для дзяцей планаваліся падарункі, гульні і конкурсы. Умовай удзелу ў свяце было прынесці з сабой самаробнага «голуба міру» або зрабіць яго ў парку ўсім разам.
«У праграме: гульні і конкурсы на ўсе ўзроставыя групы, гістарычны кўэст, сувеніры і падарункі. Імпрэзу прыдумала 10-гадовая Аліса з паселішча Нью-Ёрк у Данецкай вобласці», – паведамляецца ў анонсе. На свята запрасілі дзяцей ад 2 да 18 гадоў ды іхных бацькоў.
Са словаў відавочцаў, разгон учынілі 8 міліцыянтаў.
Аналітыка
Новы віток эскалацыі. Што трэба ведаць пра пагрозу ўцягвання Беларусі ў вайну супраць Украіны
2022.06.27 20:03
Алена Рувіна belsat.eu
