У вёсцы Паўлаўшчына Дзяржынскага раёну з-за непагадзі 26 чэрвеня загінула 50-гадовая жанчына. Як паведамляе МНС, на яе ўпала дрэва.
Усяго зафіксавана 29 выпадкаў падзення дрэў. У Гомельскай і Менскай вобласцях вецер пашкодзіў дахі 38 будынкаў, з іх – у 18 жылых дамоў.
У сталіцы супрацоўнікі МНС адбуксіравалі 20 машын і 5 аўтобусаў і эвакуіравалі з легкавога і пасажырскага транспарту 91 чалавека, у тым ліку 19 дзяцей.
У Менскім раёне з-за вялікага патоку вады абрынуўся мост праз раку Менка. Людзі не маглі перабрацца на другі бок ракі.
На працягу сутак на тэрыторыі краіны перыядычна парушалася электразабеспячэнне 461 населенага пункта.
АД, belsat.eu