Суд над затрыманымі ў лазні ў Жодзіне перанеслі

У Жодзіне суд над затрыманымі ў лазні не адбыўся. Людзей адпусцілі і сказалі чакаць новую позву, паведамляе карэспандэнт «Белсату».

24 красавіка ў Жодзіне амапаўцы ўварваліся на тэрыторыю прыватнай лазні і затрымалі 22 чалавекі, якія адпачывалі там.

У прыватным сектары Жодзіна затрымалі 20 мясцовых жыхароў

Затрыманых абвінавацілі ў несанкцыянаваным масавым мерапрыемстве, хоць ніякай сімволікі з сабой у людзей не было. У ГАУС склалі пратаколы аб адміністратыўным правапарушэнні, у тым ліку і на гаспадара лазні і ягонага сына.

27 красавіка суд павінен быў пачаць разгляд судовай справы супраць 22 затрыманых на тэрыторыі прыватнай саўны. Аднак матэрыялы справаў не былі дастаўленыя ў суд. Людзей адпусціў дадому, сказалі чакаць новую позву. Іх выклічуць, калі матэрыялы будуць прывезеныя і размеркаваныя па суддзях. Жодзіна, Беларусь. 27 красавіка 2021 года. Фота: Белсат

7 мужчынаў і 1 жанчыну пакінулі ў ізалятары часовага ўтрымання, астатніх адпусцілі да суда. Сёння затрыманых меліся судзіць, аднак матэрыялы справаў пакуль не трапілі ў суд. Людзей адпусціў, але сказалі чакаць новую позву. Іх выклічуць, калі матэрыялы прывязуць і размяркуюць па суддзях.

Чацвёра затрыманых жыхароў Жодзіна абвесцілі галадоўку

 

СК belsat.eu

Падпісвайся на telegram Белсату

Hавiны