Увечары ў сераду, 26 студзеня, у парку ў Белавежы на Падляшшы знайшлі маладога вайсковец з кулявым раненнем у галаву, піша польскі партал RMF24. Мужчына загінуў.
22-гадовы вайсковец служыў у 9-й брыгадзе танкавай кавалерыі ў Браневе ў Варміньска-Мазурскім ваяводстве.
Маладзён не з’явіўся ўвечары 26 студзеня на інструктаж паводле месца службы. Яго знайшлі праз некалькі гадзінаў у парку каля адукацыйнага цэнтру ў Белавежы, дзе размяшчаюцца вайскоўцы.
У мужчыны было агнявое раненне галавы. Уратаваць яго не ўдалося.
Справу цяпер расследуюць жандармерыя і пракуратура.
Паводле папярэдніх звестак, вайсковец загінуў ад стрэлу са службовай зброі. Інцыдэнт адбыўся да таго, як мужчына прыступіў да сваёй змены.
Да 1 сакавіка 2022 года на польска-беларускай мяжы дзеіць рэжым надзвычайнага становішча. Ён ахоплівае 115 мясцовасцяў Падляскага ваяводства і 68 – Люблінскага.
ГГ, belsat.eu
