Памежная ахова Польшчы зноў паведамляе пра спробы сілавога фарсавання мяжы мігрантамі.
25 снежня незаконна перайсці мяжу спрабавалі 47 чалавек. На ўчастку Мельнік група з 28 мігрантаў паводзіла сябе агрэсіўна, кідала ў польскіх памежнікаў камяні. Таксама вайскоўцаў асляплялі лазерам.
Нягледзячы на тое, што міграцыйны крызіс на мяжы Беларусі і Еўразвязу крыху сціх, а тысячы мігрантаў вярнуліся на радзіму адмысловымі эвакуацыйнымі авіярэйсамі, польскія памежнікі штодня фіксуюць спробы нелегальна трапіць на тэрыторыю Польшчы. За снежань такіх спробаў было больш за паўтары тысячы, з пачатку 2021 году – 39,5 тысяч.
ГГ, belsat.eu