Сілавікі прыйшлі да бацькі ксяндза Вячаслава Барка і распыталі яго пра сына. Як паведамляе «Хрысціянская візія», супрацоўнікі цікавіліся, ці ўжывае святар алкаголь і наркотыкі.
У Мёрах Віцебскай вобласці міліцыянты прыйшлі дахаты да бацькі ксяндза Вячаслава Барка. Сілавікі пыталіся, ці ўжывае ягоны сын алкаголь і наркотыкі, ці мае маёмасць і калі вернецца ў Беларусь. Візіт сілавікоў можа быць звязаны з інтэрв’ю ксяндза выданню «Хартыя’97», што выйшла два месяцы таму, піша «Хрысціянская візія».
Вячаслаў Барок зʼехаў з Беларусі ў Польшчу летась у сувязі з пераследам. У снежні 2020 года ён атрымаў 10 сутак за «прапаганду нацысцкай сімволікі» за пост у сацсетцы з антыфашысцкім плакатам мастака Уладзіміра Цэслера «Стоп лукашызм». Цяпер Барок кіруе Беларускай каталіцкай грамадою ў Варшаве ў касцёле святога Аляксандра.
Сяргей Крот belsat.eu