Беларускі лекар Руслан Брынчук на сваёй старонцы ў Facebook напісаў матывуючую прамову для тых, хто яшчэ не вакцынаваўся.
«Маё меркаванне: рабіць. Адназначна вакцынавацца. Я разумею, складана верыць тэлевізары, але тут не хлусяць. Складана абраць вакцыну, не ўсё, што нам прапануюць, можа быць добрым», – заявіў лекар.
Тым жа, хто сумняваецца, ён даў адну параду:
«Проста наведайце бліжэйшыя могілкі. Прагуляйцеся. Ацаніце колькасць свежых магіл за мінулы год. І задайце сабе пытанне: ці гатовыя легчы побач? Ці гатовыя зламаць свае тупыя стэрэатыпы і жыць далей? У мяне ўсё».
Нагадаем, што праваслаўны мітрапаліт Менскі і Заслаўскі Веньямін назваў «недапушчальным і грахоўным» «распаўсюд ілжывых вучэнняў, якія атаясамліваюць вакцынацыю з «прыняццем пячаткі антыхрыста», роўна як і сцвярджэнняў пра нібыта таемнае чыпаванне чалавецтва з дапамогаю вакцынацыі».
У Беларусі зараз вельмі цяжкае сітуацыя з COVID-19, амаль 2000 захворванняў кожны дзень і гэта толькі афіцыйна. Пры гэтым прышчэпкі зрабіла толькі 16% насельніцтва Беларусі. Паводле апытанняў, больш як 40% жыхароў Беларусі адмоўна ставяцца да любых вакцынаў. У суседняй Польшчы прышчапіліся больш як 52%.
АЛ/МГ belsat.eu