Беларусы працягваюцца змагацца супраць фальсіфікацыі прэзідэнцкіх выбараў і беспакаранага гвалту сілавікоў.
Ва Украіне нарэшце пахавалі Віталя Шышова, былога кіраўніка Беларускага дому ва Украіне. Яго знайшлі павешаным у кіеўскім парку на пачатку жніўня. З моманту смерці Шышова прайшло 55 дзён.
А ў Беларусі працягвае развальвацца Федэрацыя хакею. Услед за старшынёй ФХРБ Дзмітрыем Баскавым, які быў дыскваліфікаваны Міжнароднай федэрацыяй, пра адстаўку паведаміў і ягоны намеснік Сяргей Ганчароў, які на днях спрабаваў узначаліць сусветны хакей.
У краіне між тым раскручваецца чарговая «шпіёнская» справа. На гэты раз супраць 13-і працаўнікоў заводаў па ўсёй Беларусі. У якасці доказаў «падрыўной дзейнасці» дзяржаўная прапаганды прыводзіць урыўкі zoom-канферэнцыяў і фрагмент допыту невядомага чалавека.
А Міністэрства аховы здароўя і лекары заклікаюць вакцынавацца. Нават моладзь, якая цяпер усё больш робіцца ахвярай каронавіруса.
З міжнародных навінаў ці не самымі галоўнымі сталі парламенцкія выбары ў Нямеччыне, дзе ўпершыню за 16 гадоў улады могуць пазбавіцца хрысціянскія дэмакраты. Іхная лідарка Ангелы Мэркель сыходзіць у адстаўку, а за права скласці новы ўрад наздра ў ноздру змагаюцца сацыял-дэмакраты.
А кантраляваны талібамі Афганістан між тым пагражае суседняму Таджыкістану, які разам з Беларуссю ўваходзіць у АДКБ.
МГ belsat.eu