Сіноптыкі аб’явілі на суботу, 27 жніўня, аранжавы ўзровень небяспекі праз спёку, паведамляе партал «pogoda.by».
У суботу, 27 жніўня, у дзённыя гадзіны на большай частцы тэрыторыі Беларусі максімальная тэмпература паветра дасягне +30… +32°С. У Менску максімальная тэмпература паветра дасягне +30… +31°С.
На гэтым тыдні ў Беларусі быў абʼяўлены жоўты ўзровень небяспекі. Сёння, 26 жніўня, тэмпература паветра можа дасягаць +34°С.
Таксама высокія тэмпературы захаваюцца і ў нядзелю – да +32°С. Аднак ужо пачынаючы з наступнага тыдня сквар пачне спадаць.
У сувязі з высокай пажарнай небяспекай Міністэрства лясной гаспадаркі ўвяло дадатковую забарону на наведванне лясоў – іх дазволена наведваць толькі ў адным раёне – Браслаўскім.
Цяпер наведванне лясоў забароненае ў 117 раёнах Беларусі.
Алена Рувіна belsat.eu