Упершыню за год бацька Марыі Калеснікавай пабачыў сваю дачку. Аляксандра Калеснікава выклікалі ў суд, паведамляе Telegram-канал Віктара Бабарыкі.
Аляксандру Калеснікаву ўдалося пабачыць сваю дачку ўпершыню за год. Суд над Марыяй распачаўся 4 жніўня, але патрапіць на паседжанне не могуць нават родныя, паколькі суд адбываецца ў закрытым рэжыме. Аляксандр Калеснікаў падчас судовых паседжанняў прыходзіць да будынку суда з кветкамі. Але нечакана яго выклікалі ў суд.
Падрабязнасцяў яго ўдзелу ў працэсе няма, бо дзейнічае падпіска аб неразгалошванні.
Паводле словаў Аляксандра Калеснікава, самаадчуванне і настрой у Марыі добрыя, яна засталася такой жа яскравай і паказала яму сваё традыцыйнае сэрцайка.
Паводле абвінавачання, Максім Знак і Марыя Калеснікава «супольна з іншымі асобамі не пазней за 16 ліпеня 2020 года ўступілі ў таемную змову з мэтаю захопу дзяржаўнай улады неканстытуцыйным шляхам». Ім пагражае да 12 гадоў турмы.
СК belsat.eu