Еўрапейскае агенцтва авіябяспекі заклікала пазбягаць паветранай прасторы Беларусі

Еўрапейскі авіярэгулятар EASA заявіў, што паветраная прастора Беларусі не бяспечная, і параіў выкарыстоўваць яе толькі ў выпадку неабходнасці.

Еўрапейскае агенцтва авіяцыйнай бяспекі прыняло такое рашэнне на фоне інцыдэнту з экстраннай пасадкаю самалёта Ryanair у Менску.

«Абставіны гэтага інцыдэнту выклікаюць сур’ёзныя сумневы ў тым, што Беларусь паважае міжнародныя правілы грамадзянскай авіяцыі», – гаворыцца ў заяве агенцтва.

Таксама ў заяве гаворыцца, што дзеянні Беларусі стварылі павышаную рызыку для бяспечнасці палётаў і паставілі пад сумнеў здольнасць Беларусі гарантаваць бяспечную паветраную навігацыю.

У гэтай сувязі EASA рэкамендавала авіякампаніям ляцець праз паветраную прастору Беларусі толькі ў выпадку крайняй неабходнасці.

Урад Латвіі і Швецыі ўводзіць абмежаванні на авіязносіны з Беларуссю

АД, belsat.eu

Падпісвайся на telegram Белсату

Hавiны