У самаабвешчанай на тэрыторыі Малдовы «Прыднястроўскай рэспубліцы» раніцай 26 красавіка паведамілі пра новыя выбухі. Рэгіён мяжуе з Адэскай вобласцю Украіны, у ім знаходзяцца расейскія войскі.
Тэлграм-канал «ТСВ Приднестровье» паведамляе пра выбухі на тэрыторыі Прыднястроўскага радыётэлецэнтру «Маяк» у Грыгорапольскім раёне.
Адзначаецца, што было два выбухі. Першы прагрымеў у 6:40, другі ў 7:05. З ладу выведзеныя дзве самыя магутныя антэны: адна мегаватная, другая – паўмегаватная. Абедзве рэтранслявалі радыё з Расеі.
У радыётэлецэнтры кажуць, што пацярпелых няма.
Пры гэтым ад сённяшняга дня ў гарадскіх школах Прыднястроўя ўведзенае дыстанцыйнае навучанне. Сельскія школы і садкі працуюць у звычайным рэжыме.
Таксама паведамляецца пра чэргі на мяжы з Малдовай. Усіх, хто выязджае, правяраюць.
- 22 красавіка намеснік камандуючага войскамі Цэнтральнай вайсковай РФ акругі генерал-маёр Рустам Мінекаеў заявіў, што расейскае войска падчас другога этапу вайны павінна ўсталяваць поўны кантроль над Данбасам. Пры гэтым ён дадаў, што кантроль над поўднем Украіны – «гэта яшчэ адзін выхад у Прыднястроўе, дзе таксама адзначаюцца факты прыгнёту расейскамоўнага насельніцтва».
- У сталіцы непрызнанага Прыднястроўе Ціраспалі днём 25 красавіка невядомыя абстралялі будынак Міністэрства Дзяржбяспекі, меркавана з гранатамётаў. У МУС паведамілі, што пацярпелых няма.
- Улады Малдовы і Украіны назвалі інцыдэнт правакацыяй.
ПС belsat.eu
