25 красавіка Святлана Ціханоўская пачала працоўны візіт у Берлін, дзе разам з Таццянай Хоміч і Веранікай Цапкала праводзіць сустрэчы з палітыкамі, урадам Нямеччыны, дыяспарай і актывістамі, якія збіраюць гуманітарную дапамогу.
Яны сустрэліся з новым прэзідэнтам нямецкага Бундэстагу Бэрбэль Бас, з прадстаўніком канцылярыі Олафа Шольца і міністрам культуры Клаўдыяй Рот. На гэтых сустрэчах абмяркоўвалі пытанні дапамогі беларускім уцекачам і сем’ям палітвязняў, магчымасць выдачы візаў у Менску і падаўжэння дакументаў у Нямеччыне для тых, хто не можа вярнуцца на радзіму.
Акрамя гэтага Святлана Ціханоўская правяла сустрэчу з мэрам Берліна Францыскай Гіфай. Кіраўніца нямецкай сталіцы пагадзілася знайсці памяшканне для працы беларускай дыяспары. Ціханоўская і Гіфай таксама абмеркавалі магчымасць рэабілітацыі дзяцей палітвязняў у Берліне.
ПС belsat.eu
