Адмянілі парад, урокі і экзамены, з’явяцца блокпасты. Што адбываецца ў Прыднястроўі


У самаабвешчанай прарасейскай Прыднястроўскай Малдаўскай Рэспубліцы, што мяжуе з Адэскай вобласцю Украіны, на 15 дзён абвешчаны «чырвоны» ўзровень тэрарыстычнай небяспекі.

На заездах у гарады Прыднястроўя будуць пастаўленыя блокпасты. Нагляд аўтатранспарту і грамадзянаў удзень будзе мець абіральны характар, уначы будзе датычыць кожнага, хто заязджае ў населены пункт, паведамляе «ТСВ Приднестровье».

Hавiны
У Прыднястроўі паведамляюць пра новыя выбухі. Школы закрытыя, на межах – чэргі
2022.04.26 12:07

Сілавыя структуры пераведзеныя ва ўзмоцнены рэжым нясення службы. Дзяржадміністрацыям даручана спрыяць праваахоўнікам.

Таксама 9 траўня ў Прыднястроўі не будзе параду. Пастанавілі адмовіцца і ад салютаў.

Тым часам гарадскія адукацыйныя ўстановы пераведзеныя да канца навучальнага года на дыстанцыйны рэжым навучання. Скасаваны і адзіны дзяржэкзамен, усе вучні будуць атэставаныя на падставе гадавой паспяховасці.

Між тым прэзідэнтка Малдовы Мая Санду 26 красавіка склікае паседжанне Найвышэйшай рады бяспекі ў сувязі з інцыдэнтамі ў прыднястроўскім рэгіёне, паведамляе NewsMaker.md.

У сваю чаргу прэс-сакратар прэзідэнта Расеі Уладзіміра Пуціна Дзмітрый Пяскоў паведаміў, што сітуацыя ў Прыднястроўі «выклікае занепакоенасць» у Крамлі. У той жа час ён удакладніў, што Пуцін не плануе пакуль кантактаваць з Маяй Санду, пішуць РИА Новости.

Hавiны
Расея нападзе на Малдову? У Міністэрстве абароны РФ распавялі пра свае планы
2022.04.22 13:56
  • 22 красавіка намеснік камандуючага войскамі Цэнтральнай вайсковай акругі генерал-маёр Рустам Мінекаеў заявіў, што расейскае войска падчас другога этапу вайны плануе займець поўны кантроль над Данбасам. Пры гэтым ён дадаў, што кантроль над поўднем Украіны – «гэта яшчэ адзін выхад у Прыднястроўе, дзе таксама адзначаюцца факты прыгнёту расейскамоўнага насельніцтва».
  • У Тыраспалі, сталіцы непрызнанага Прыднястроўя, днём 25 красавіка невядомыя абстралялі будынак Міністэрства дзяржаўнай бяспекі, меркавана з гранатамётаў. У МУС паведамілі, што пацярпелых няма.
  • Улады Малдовы і Украіны назвалі інцыдэнт правакацыяй.
Hавiны
«Нагода для стварэння напружанасці». Улады Малдовы і Украіны пракаментавалі абстрэлы ў Прыднястроўі
2022.04.26 09:27

ПС belsat.eu

Стужка навінаў