Прадстаўнікі аргкамітэту партыі «Разам» Іван Краўцоў, Антон Раднянкоў і Таццяна Хоміч сустрэліся з амбасадарам ЗША ў Беларусі Джулі Фішэр, паведамляе Telegram-канал Віктара Бабарыкі.
Амбасадар ЗША у Беларусі Джулі Фішэр распавяла, што Злучаныя штаты добра інфармаваныя аб сітуацыі ў Беларусі, і цяпер задача па вырашэнні палітычнага крызісу застаецца адной з прыярытэтных у вонкавапалітычных захадах ЗША. Такая заява з вуснаў дыпламата прагучала падчас сустрэчы з прадстаўнікамі аргкамітэту партыі экс-прэтэндэнта на прэзідэнцтва і экс-кіраўніка «Белгазпрамбанка» Віктара Бабарыкі «Разам».
Амбасадар ЗША ў Беларусі Джулі Фішэр абмеркавалі таксама з Іванам Краўцовым, Антонам Раднянковым і Таццянай Хоміч некаторыя сцэнары па вырашэнні палітычнага крызісу і верагодныя варыянты развіцця падзеяў у сярэднетэрміновай перспектыве ў Беларусі. Падчас дыскусіі закранулі тэму палітычнага пераследу ў тым ліку Віктара Бабарыкі, Марыі Калеснікавай, парушэнне правоў палітычных зняволеных.
СК belsat.eu