Прышчэпленым ад каронавіруса беларусам, якія плануюць выязджаць за мяжу, Міністэрства здароўя зможа выдаваць сертыфікаты аб вакцынацыі, паведамляе прэсавая служба ведамства.
Грамадзяне, якія прайшлі вакцынацыю супраць COVID-19, змогуць атрымаць на сваё жаданне сертыфікат аб вакцынацыі.
«У сувязі з тым, што правілы міжнароднага рэгулявання і патрабаванні ў дачыненні вакцынацыі яшчэ фармуюцца, такі дакумент, магчыма, будзе неабходны грамадзянам Рэспублікі Беларусь для паездак за мяжу», – паведамляе Міністэрства здароўя.
Сертыфікат можна будзе атрымаць у месцы вакцынацыі, але на платнай аснове і на жаданне. У дакуменце на англійскай і расейскай мовах запішуць інфармацыю пра зробленую прышчэпку супраць COVID- 19, дату нараджэння асобы і назву клінікі, дзе была зробленая прышчэпка.
Цяпер грамадзяне нашай краіны могуць прышчапіцца расейскай ці кітайскай вакцынай.
СК belsat.eu