Дэпартамент дзяржкансультацыі адносна Беларусі раіць грамадзянам ЗША не ездзіць у Беларусь і заклікае грамадзянаў ЗША неадкладна выехаць з нашай краіны. Журналісты з Украіны папярэджваюць, што беларускія войскі могуць далучыцца да агрэсіі супраць Расеі.
Амбасада ЗША ў Беларусі распаўсюдзіла паведамленне з заклікам да грамадзянаў сваёй краіны пакінуць Беларусь.
«Грамадзяне ЗША мусяць памятаць, што міжнародны аэрапорт Менску выконвае міжнародныя рэйсы ў абмежаваныя пункты прызначэння, а сухапутныя граніцы з Літвой, Латвіяй і Польшчай адкрытыя і працуюць».
Журналіст Раман Бурко паведамляе, што Крэмль праз амбасадара Грызлова настойвае на далучэнні Менску да «ваеннай аперацыі», маючы на ўвазе вайну супраць Украіны. Лукашэнка адказаў, што чакае заканчэння рэферэндуму і гатовы на працягу 72 гадзінаў далучыцца.
«У якасці апраўдання будзе выкарыстаная чарговая аперацыя пад фальшывым сцягам, то бок інсцэнізацыя, што «Украіна напала на Беларусь», – піша Раман Бурко.
Пры гэтым журналіст нагадвае, што Беларусь і так зацягнутая ў вайну, бо расейскія войскі выкарыстоўваюць беларускую тэрыторыю як плацдарм для ўварвання.
АЯ belsat.eu