Заканадаўцы ЗША прапаноўваюць прызнаць Каардынацыйную раду беларускай апазіцыі

Капітолій – сядзіба Кангрэсу ЗША. Фота wikipedia.org

Камітэт міжнародных дачыненняў Палаты прадстаўнікоў ухваліў праект рэзалюцыі, які прызнае Каардынацыйную раду беларускай апазіцыі легітымным інстытутам для ўдзелу ў дыялогу пра мірную перадачу ўлады, паведамляе «Голас Амерыкі».

У той жа час камітэт заявіў, што праведзеныя ў жніўні прэзідэнцкія выбары ў Беларусі не былі ні свабоднымі, ні сумленнымі, і таму Кангрэс ЗША «не прызнае абвешчаных урадам вынікаў, а Аляксандра Лукашэнку – законным прэзідэнтам Беларусі».

Дакумент, які патрабуе ўхвалення Палаты прадстаўнікоў у поўным складзе, заклікае працягнуць супрацу паміж Злучанымі Штатамі ды іх трансатлантычнымі саюзнікамі «ў пошуках шляхоў падтрымання дэмакратычнага руху ў Беларусі».

Рэзалюцыя таксама заклікае прыняць далейшыя адрасныя санкцыі.

МГМ belsat.eu

Hавiны