Раніца 26 лютага пачалася з ператрусу ў рэдактара сайту «Виртуальный Брест» Андрэя Кухарчыка.
Пакуль вядома, што ў журналіста забіраюць тэлефон і камп’ютар, паведамляе тэлеграм-канал Беларускай асацыяцыі журналістаў.
12:10. Скончыўся ператрус у Андрэя Кухарчыка, рэдактара сайту «Виртуальный Брест».
Пасля 11-й раніцы стала вядома, што да яго прыходзіла міліцыя, супрацоўнікі якой мелі пастанову Следчага камітэту на ператрус. У Кухарчыка забралі камп’ютар, тэлефон і некалькі старых вінчэстараў.
Паводле папярэдняй інфармацыі, гаворка ідзе пра «карагодную справу», шукаюць фота. Учора ў Берасці абвесцілі прысуд першым дзесяці абвінавачаным у гэтай справе.
У жніўні мінулага года «Виртуальный Брест» трапіў у спіс рэсурсаў, доступ да якіх на загад Міністэрства інфармацыі быў заблакаваны на тэрыторыі Беларусі.
МГМ belsat.eu