Адбылося чарговае пасяджэнне міжведамаснай працоўнай групы з удзелам кіраўніка Адміністрацыі прэзідэнта для дапрацоўвання законапраекту, накіраванага на ўдасканаленне Кодэксу аб крымінальнай адказнасці.
У абноўлены Крымінальны кодэкс хочуць увесці артыкул за неаднаразовае парушэнне арт. 23.34 КоАП, паведамляе pravo.by.
Дзеля «дадатковай аховы канстытуцыйнага ладу краіны» прапаноўваецца ўвесці ў КК новыя артыкулы і склады злачынстваў, якімі прадугледжваецца адказнасць за экстрэмізм, неаднаразовае парушэнне парадку правядзення масавых мерапрыемстваў, распаўсюджванне ўладальнікам інтэрнэт-рэсурсу забароненай інфармацыі, а таксама незаконны збор і распаўсюджванне асабістых звестак.
Таксама ў межах абноўленага КПК прадугледжваецца ўзмацненне ролі пракуратуры і шырэйшае выкарыстанне інфармацыйных тэхналогіяў у крымінальным працэсе: напрыклад, магчымасць праводзіць следчыя дзеянні ў рэжыме ўэб-канферэнцыі.
МГМ belsat.eu