Адвакат Аляксандр Філановіч паведаміў, што не прайшоў атэстацыю ў Міністэрстве юстыцыі і цягам месяца яму скасуюць ліцэнзію на адвакацкую дзейнасць. Аляксандр Філановіч – абаронца палітзняволенай Сафіі Сапегі.
«Не прайшоў атэстацыю ў Мінюсце. Недастаткова кваліфікаваны. Цягам месяца скасуюць ліцэнзію адваката. Адкрыты для прапановаў…» – напісаў Аляксандр Філановіч на сваёй старонцы ў «Фэйсбуку».
Філановіч да апошняга часу бараніў інтарэсы палітзняволенай Сафіі Сапегі.
Нагадаем, Сафія Сапега была затрыманая 23 траўня разам з Раманам Пратасевічам у менскім аэрапорце пасля прымусовага прызямлення самалёта «Ryanair». Пасля затрымання Сапегу трымалі ў СІЗА, а з канца чэрвеня перавялі пад хатні арышт. 21 снежня 2021 году Следчы камітэт паведаміў, што яе справу перадалі ў пракуратуру для накіравання ў суд.
Сапезе выставілі абвінавачанні па сямі артыкулах Крымінальнага кодэксу.
ЗК belsat.eu