Затрыманы вядучы інжынер «Менскэнерга» за распаўсюджванне і перадачу персанальных звестак «экстрэмісткім» тэлеграм-каналам. Пра гэта паведамляе Следчы камітэт. Імя затрыманага не называецца.
Галоўным следчым упраўленнем яму прад’яўлена абвінавачанне па ч.6 арт.16 і ч.3 арт.130 КК («Распальванне варожасці і варожасці, учыненая групай асоб»).
«Выкарыстоўваючы свае службовыя паўнамоцтвы, фігурант перадаў адміністратарам дэструктыўных рэсурсаў асабістыя дадзеныя больш за 500 службовых асоб нашай краіны, якія ў далейшым былі размешчаны ў экстрэмісцкіх тэлеграм-каналах», – паведамілі ў СК.
Таксама 25 лістапада на працу ў РУП «Віцебскэнерга» прыходзілі сілавікі з ператрусам да начальніцы аддзелу бухгалтарскага ўліку і эканамічнага планавання. Вядома, што яе адразу забралі ў КДБ, а потым арыштавалі на 15 содняў і змясцілі ў ІЧУ. Яе імя высвятляецца.
Алена Рувіна belsat.eu