24 верасня ўкраінская пракуратура дазволіла забраць цела беларускага актывіста Віталя Шышова. Пра гэта паведамляе радыё «Свабода».
Пахаваюць Віталя Шышова ў нядзелю.
Праваахоўныя органы разглядалі версіі самагубства і забойства аднаго з лідараў «Беларускага дому ва Ўкраіне». Вынікі экспертызы невядомыя. Адвакат мае падпіску аб неразгалошванні.
Раніцай 2 жніўня кіраўнік Беларускага дому ва Украіне Віталь Шышоў выйшаў на прабежку і знік. А зранку 3 жніўня яго знайшлі павешаным на ўскрайку Кіева.
Міністр унутраных справаў Украіны Дзяніс Манастырскі заявіў, што для следства ўжо зразумела, было гэта забойства ці самагубства, але «хай усё-ткі скажа менавіта следства».
МГ belsat.eu