Паліну Шарэнду-Панасюк і сясцёр Міронцавых у гомельскай калоніі паставілі на дадатковы прафілактычны ўлік

Адміністрацыя калоніі прызнала іх «схільнымі да захопу закладнікаў, нападу на адміністрацыю і хуліганскіх праяваў».

Вікторыя і Анастасія Міронцавы.

Фота: TUT.BY

Пра тое, што палітзняволеных сясцёр Вікторыю і Анастасію Міронцавых у гомельскай калоніі №4 паставілі на прафілактычны паведамляе Праваабарончы цэнтр «Вясна». Да гэтага яны стаялі на ўліку як «схільныя да экстрэмісцкай дзейнасці».

Сям’я Шарэндаў.

Фота: belsat.eu

Пра аналагічныя захады ў дачыненні актывісткі Паліны Шарэнды-Панасюк распавёў Reform.by муж палітзняволенай Андрэй Шарэнда. Ён заявіў, што на Паліну было складзена тры рапарты і да сярэдзіны верасня яе трымалі ў ШІЗА.

Вядома, што многіх палітзняволеных за кратамі ставяць на прафілактычны ўлік як асобаў, «схільных да экстрэмізму і іншых дэструктыўных дзеянняў». Такі статус прадугледжвае ўзмоцнены кантроль з боку адміністрацыі. У калоніі яны мусяць насіць жоўтыя біркі – такім колерам пазначаюць асобаў, нібыта «схільных да экстрэмізму». Статус «асобы, схільнай да захопу закладнікаў, нападу на адміністрацыю, хуліганскіх праяваў» прадугледжвае яшчэ больш жорсткі ўзровень кантролю за зняволеным.

Нагадаем, у красавіку 2020 года Анастасію Міронцаву прысудзілі да 2 гадоў зняволення, Вікторыю Міронцаву – да 2,5 гадоў. У чэрвені Паліна Шарэнда-Панасюк была пакараная 2 гадамі пазбаўлення волі.

ІІ belsat.eu