Еўразійскі банк развіцця: беларуская эканоміка ў чэрвені запаволіла тэмпы падзення

Паводле ацэнкі ЕАБР, тэмпы скарачэння беларускай эканомікі запаволіліся. ВУП у чэрвені знізіўся прыкладна на 7,8 %, у той час як у траўні – на 8,6 %. Агулам за першае паўгоддзе 2022 года ВУП скараціўся на 4,2 %.

Аналітыкі ЕАБР мяркуюць, што запавольванне падзення можа тлумачыцца змяншэннем спаду ў апрацоўчай прамысловасці, агулавым гандлі, будаўніцтве і сельскай гаспадарцы.

Агулам жа, паводле Еўразійскага банку развіцця, цалкам імаверна, што беларуская эканоміка пачынае адаптавацца пад функцыянаванне ва ўмовах санкцыяў. Пры гэтым прагноз аб зніжэнні ВУП Беларусі на 6,5 % за 2022 год захоўвае актуальнасць. ЕАБР можа яго перагледзець у бок падвышэння пры ўстойліва меншым спадзе расейскай эканомікі, чым чакалася.

Марыя Міхалевіч belsat.eu