Вакцына «Спутник Лайт» павінна паступіць у Беларусь у ліпені. Ёй плануюць прышчапляць студэнтаў


Яшчэ адна разнавіднасць расейскай вакцыны супраць каронавіруса павінна з’явіцца ў Беларусі ўжо ў наступным месяцы. Пра гэта заявіў міністр аховы здароўя Дзмітрый Піневіч.

Вакцына «Спутник Лайт».
Фота: vesti.ru

Пачаць прышчапляць новай вакцынай плануюць студэнтаў.

«Да навучальнага года хацелі б ахапіць у тым ліку наша студэнцтва гэтай вакцынай, каб паэтапна вакцынаваць тую катэгорыю насельніцтва, якая пераносіць найбольш лёгка, але можа зʼяўляцца крыніцай заражэння для іншых», – распавёў Піневіч.

У Расеі вакцына «Спутник Лайт» паступае ў грамадзянскі абарот з 25 чэрвеня.

Адрозненне ад вакцыны «Спутник V» заключаецца ў тым, што гэтая версія прэпарата ўводзіцца аднаразова, а яе эфектыўнасць менш і складае 79,4%. Расейскія ўлады разглядаюць яе як падыходны прэпарат для рэвакцынацыі грамадзян, а маскоўскі ўрад плануе прывіваць ім працоўных мігрантаў.

Зараз жа ў Беларусі можна прышчапіцца двума вакцынамі: расейскай «Спутник V» і кітайскай ад кампаніі Sinopharm.

Hавiны
У Беларусі выявілі індыйскі штам каронавіруса
2021.06.23 10:32

АД, belsat.eu

Стужка навінаў