25 сакавіка беларусы па ўсім свеце, у тым ліку ў Вільні, святкуюць 104-ю гадавіну стварэння Беларускай Народнай Рэспублікі.
Як сёлета адзначаюць Дзень Волі ў літоўскай сталіцы – у нашым фотарэпартажы.
Святкаванне Дня Волі пачалося з ускладання кветак на магілы Кастуся Каліноўскага і братоў Луцкевічаў на могілках Росы. Пасля адбыўся святочны аўтапрабег з нацыянальнымі сцягамі ад могілак Росы да Ратушнай плошчы.
Мітынг-канцэрт на Ратушнай плошчы дзеля падтрымання Беларусі і Украіны распачаўся а 15-й гадзіне паводле мясцовага часу. А 17-й – урачыстае набажэнства за Беларусь і беларускі народ.
Святочны вечар мае працягнуцца ў «Імагуру Startup HUB».