Прэзідэнт Літвы запрасіў Святлану Ціханоўскую на ўрачысты прыём з нагоды Дня Волі

Прэзідэнт Літвы запрасіў Святлану Ціханоўскую на ўрачыстасць у прэзідэнцкім палацы з нагоды Дня Волі. Гітанас Наўседа павіншаваў беларусаў з вялікім святам незалежнасці і пажадаў беларускаму народу перамогі, паведамляе тэлеграм-канал Святланы Ціханоўскай.

Сустрэча Гітанаса Наўседы і Святланы Ціханоўскай 25 сакавіка. Фота: @tsikhanouskaya / Telegram

На сустрэчы Ціханоўская распавяла пра галасаванне за перамовы пры міжнароднай медыяцыі і пра 750 тысяч беларусаў, якія прагаласавалі за мірнае развязанне крызісу ў Беларусі на платформе «Голас».

Таксама Ціханоўская і Наўседа пагаварылі пра палітычных вязняў у Беларусі і абмеркавалі, як ЕЗ можа падтрымаць Беларусь.

Сустрэча Гітанаса Наўседы і Святланы Ціханоўскай 25 сакавіка. Фота: @tsikhanouskaya / Telegram

«У беларусаў ёсць патрэба святкаваць Дзень Волі. Мы патрабуем ад рэжыму не ўжываць сілы да мірных дэманстрантаў і пратэстоўцаў», – адзначыла Святлана Ціханоўская.

У гонар Дня Волі прэзідэнт Наўседа надзеў значок з бел-чырвона-белым і літоўскімі сцяжкамі.

АД, belsat.eu

Hавiны