Датэрміновае галасаванне на рэферэндуме аб праекце Канстытуцыі пачнецца ў аўторак, 22 лютага. Пра гэта распавёў прадстаўнік Цэнтрвыбаркаму Іван Толкач у эфіры тэлеканалу СТВ, піша Zerkalo.io.
Датэрміновае галасаванне пройдзе з 22 да 26 лютага ўключна. Участкі будуць працаваць з 10.00 да 14.00 і з 16.00 да 19.00. Асноўны дзень галасавання – нядзеля, 27 лютага.
Іван Толкач таксама распавёў, што на правядзенне рэферэндуму з бюджэту вылучылі больш за 20 мільёнаў рублёў.
Папярэднія вынікі канстытуцыйнага рэферэндуму будуць вядомыя да раніцы 28 лютага, а канчатковыя – у пятніцу, 4 сакавіка.
ГГ, belsat.eu