Крымінальная справа супраць Паўла Белавуса, замежны бізнес сыходзіць з Беларусі. Галоўнае за 24 снежня
501 дзень працягваецца супрацьстаянне ў Беларусі паміж уладамі і грамадствам. «Белсат» падводзіць вынікі дня.
Крымінальная справа супраць Паўла Белавуса
Заснавальнік «Symbal.by» Павел Белавус стаў падазраваным у крымінальнай справе. Пра гэта паведамляе тэлеграм-канал ініцыятывы.
Святлана Ціханоўская ў топ-5 персон году
Амерыканскі часопіс «Foreign Policy» уключыў Святлану Ціханоўскую ў ТОП-5 асобаў года.
Марыя Калеснікава і Максім Знак застануцца за кратамі
Вярхоўны суд не задаволіў апеляцыйныя скаргі Максіма Знака і Марыі Калеснікавай і пакінуў без зменаў ранейшыя прысуды палітвязням, піша прэсавая служба Віктара Бабарыкі.
Заходні бізнес сыходзіць з Беларусі
Вядучы італьянскі вытворца шын «Pirelli Group» пацвердзіў Прафесійнаму звязу беларусаў Вялікай Брытаніі пра рашэнне «спыніць камерцыйныя стасункі з БМЗ».
Разам з тым стала вядома, што Брытанскі вытворца безрэцэптурных медычных прэпаратаў «Mentholatum» ужо месяц як перастаў рэкламаваць сваю прадукцыю на беларускім дзяржаўным тэлебачанні.
Лукашэнка напрыканцы году сустрэнецца з Пуціным
28-29 снежня Лукашэнка будзе ў Санкт-Пецярбурзе. Тут запланаваная сустрэча прадстаўнікоў краінаў СНД. Таксама Лукашэнка сустрэнецца з Уладзімірам Пуціным, паведамляе прэсавая служба Лукашэнкі.
Дыпламат зняпраўджвае прызнанне Лукашэнкам Крыма
Амбасадар Беларусі ва Украіне Ігар Сокал заявіў, што пазіцыя Аляксандра Лукашэнкі па статусе анексаванага Расеяй Крыму залежыць ад ягоных стасункаў Лукашэнкі з украінскімі ўладамі. Пра гэта ён сказаў у эфіры тэлеканалу «НАШ».
Паводле яго, пазіцыя Лукашэнкі «будзе залежаць ад пазіцыі Украіны».
Новыя палітвязні ў Беларусі
Праваабарончая супольнасць Беларусі прызналі палітвязнямі Уладзіміра Сакалоўскага, Паўла Галяка і Сяргея Непагоду. Вязняя прысудзілі турэмнае знявоелнне за тое, што яны «нібыта» ўчынілі гвалт над міліцыянтамі. Цяпер у Беларусі 956 палітычных вязняў, піша праваабарончы цэнтр «Вясна».
СК belsat.eu
