У Менску пачалася падрыхтоўка да навагодніх і калядных святаў. Пра дэталі і планы выданню «Минск-Новости» распавяла начальніца аддзелу дызайну «Менскрэкламы» Таццяна Бугаркова.
Паводле чыноўніцы, у Менску ўсталююць 26 штучных ёлак, з іх 14 ужо знаходзяцца на сваіх месцах. На плошчы Незалежнасці мантаж ялінкі з дызайнерскімі фігуркамі святлівых трусоў плануюць пачаць 24 лістапада. Абапал пляцоўкі расставяць ажурныя фрэзераваныя елкі з замацаванымі на іх габарытнымі цацкамі. Таксама на гэтым участку плануюць паставіць светлавую канструкцыю «2023».
Мантаж ёлкі на Кастрычніцкай плошчы спецыялісты пачнуць 28 лістапада. Яе дэкларуюць з дапамогай 6 тыс. разнастайных упрыгожанняў. А сама яна стане цэнтрам гораду, у якім жывуць усімі любімыя казачныя героі.
На пляцоўцы каля Палаца спорту пабудуюць бліскучы агнямі замкавы горад, на тэрыторыі якога будзе арганізавана мноства забаў. А ёлку аформяць у бэзава-серабрыстых колерах.
На плошчы Свабоды на фасадзе будынку ратушы, размесціцца лік «2023» са стылізаваным гадзіннікам, які паказвае без пяці хвілін апоўначы. У цэнтры кампазіцыі фотазоны будуць Дзед Мароз і Снягурачка, а таксама люстэрка, што адсылае да твору «Аліса ў Краіне цудаў», «дзякуючы якому кожны чалавек зможа памарыць пра казачнае Залюстроўе», распавяла Бугаркова.
Пераўтварэнне чакае і плошча Дзяржаўнага флага, дзе ёлку дэкаруюць у колерах афіцыйнай сімволікі.
Апроч таго, на кожным ліхтарным слупе на праспекце Пераможцаў размесцяць аб’ёмныя калядныя вянкі з цацкамі і агнямі, а ў парку імя Паўлава будзе стаяць святлодыёдная арт-ёлка, корпус якой закручаны ў спіраль, а зверху над ёй сапраўдны светлавы шацёр. Яе сюды перавязуць ад «Чыжоўка-Арэны», дзе ёлка стаяла летась.
Горад будзе цалкам упрыгожаны да надыходзячых святаў да 15 снежня.
Якуб Хруст belsat.eu