Прысуды блогеру Сяргею Ціханоўскаму, палітыку Мікалаю Статкевічу, рэдактару тэлеграм-каналаў Ігару Лосіку, Арцёму Сакаву і Дзмітрыю Папову будуць вынесеныя 14 снежня. Пра гэта паведаміла жонка Статкевіча Марына Адамовіч.
Прысуд будзе агучаны а 14-й гадзіне на тэрыторыі гомельскага СІЗА, дзе яны сядзяць.
Судовы працэс па «справе Ціханоўскага» распачаўся 24 чэрвеня ў закрытым рэжыме ў Гомельскім СІЗА. Палітвязняў пачалі судзіць амаль праз год пасля затрымання кожнага з іх.
Вядома, што ў справе ад 110 да 140 тамоў.
Ціханоўскага, Статкевіча, Лосіка, Сакава і Папова абвінавачваюць у арганізацыі масавых беспарадкаў, дзеяннях, якія груба парушаюць грамадскі парадак, распальванні сацыяльнай варожасці ў Беларусі падчас падрыхтоўкі і правядзення прэзідэнцкіх выбараў, а таксама пагрозы ў адрас старшыні ЦВК.
АД, belsat.eu
