Новы штам каронавіруса зарэгістраваны ў Беларусі, паведаміў намеснік міністра аховы здароўя і галоўны санітарны лекар Аляксандр Тарасенка ў эфіры дзяржтэлебачання.
«У асноўным цяпер цыркулюе так званы «дэльта-штам», але з верасня мы пачалі ўсталёўваць хаджэнне такога штаму, як «дэльта лайт». Пакуль нейкіх адрозненняў не назіраем, гэтыя выпадкі адзінкавыя», – сказаў Тарасенка.
Лекар адзначыў, што вірус дэльта-штаму здольны хутчэй пераходзіць ад чалавека да чалавека. «Раней мы казалі, што дастаткова 15 хвілін і больш, то зараз патрабуецца да 15 хвілін, можна знаходзіцца побач з хворым чалавекам літаральна нейкія хвіліну-дзве», – сказаў ён.
Па словах Тарасенка, усё часцей хварэюць людзі 30-39 гадоў і 40-49 гадоў. Так, у Менску, у адрозненне ад іншых рэгіёнаў, у асноўным задзейнічана насельніцтва ад 18 да 29 гадоў.
Цяпер жа ў Беларусі пад хворых на ковід аддалі больш за 40 % ложкавага фонду. Такую лічбу назваў міністра аховы здароўя Дзмітрый Піневіч.
Піневіч сцвярджае, што ўжо больш за 27% беларусаў зрабілі першую дозу вакцыны.
АД, belsat.eu
