«ByPol»: смяротныя траўмы Раману Бандарэнку нанеслі байцы СОБРу


Ініцыятыва «ByPol» апублікавала новае расследаванне абставінаў гібелі Рамана Бандарэнкі.

У сваім расследаванні «ByPol» выкарыстоўваў запісы тэлефонных перамоваў, якія атрымалі «Кіберпартызаны» ў выніку ўзлому базы МУС.

«ByPol» прыходзіць да высновы, што першы, хто выкарыстаў фізічны гвалт супраць Рамана Бандарэнкі на плошчы Пераменаў 11 лістапада 2020 года, быў Дзмітрый Шакута – неаднаразовы чэмпіён свету па тайскім боксе і кікбоксінгу, інструктар па спецпадрыхтоўцы Спецыяльнага атраду хуткага рэагавання (СОБР). Шакута ўваходзіў у групоўку прэс-сакратара Наталлі Эйсмант, яны неаднаразова рабілі рэйды ў пратэставыя двары, каб зразаць бел-чырвона-белыя стужкі і замалёўваць апазіцыйныя графіці. Дзеялі яны пад прыкрыццём байцоў СОБРу і АМАПу.

Магіла Рамана Бандарэнкі на Паўночных могілках. Менск, Беларусь, 6 траўня 2021 года.
Фота: АВ / Белсат

Другі падазраваны ва ўжыванні гвалту ў дачыненні Бандарэнкі – Яўген Ціманоўскі, старэйшы прапаршчык СОБРу. Ён перад пагрузкаю Рамана ў службовы мікрааўтобус наўмысна ўдарыў яго галавой аб зямлю. Паводле расследавання «ByPol», акрамя Ціманоўскага, у групу Спецыяльнага атраду хуткага рэагавання ўваходзілі таксама капітан Сарман, старэйшы прапаршчык Анцюфееў, прапаршчык Буйкевіч, прапаршчык Савенка. У мікрааўтобусе СОБРу Бандарэнка быў каля 20 хвілінаў: невядома, што рабілі з затрыманым увесь гэты час. Потым Рамана перадалі ў цяжкім стане амапаўцам, якія даставілі яго ў Цэнтральны РУУС. Адтуль яго забрала хуткая дапамога.

Нагадаем, што 31-гадовы Раман Бандарэнка памёр 12 лістапада 2020 года ў рэанімацыі шпіталю хуткай дапамогі ў Менску.

Артыкулы
«Я да гэтага часу знаходжуся ў шоку» – Маці Рамана Бандарэнкі звярнулася да беларусаў
2021.09.18 00:02

II belsat.eu

Стужка навінаў