Дэмакратычныя сілы перадалі гуманітарную дапамогу беларускім добраахвотнікам ва Украіне
24.05.202214:21
У Кіеў 24 траўня прыбыла дэлегацыя офісу Святланы Ціханоўскай, што перадала гуманітарную дапамогу беларускім добраахвотнікам.
Фота: CabinetST/Telegram
Дэлегацыя на чале з Валерам Кавалеўскім прыехала ў Кіеў з працоўным візітам. Кавалеўскі перадаў беларускім добраахвотнікам з палка імя Кастуся Каліноўскага і палка «Пагоня» аўтатранспарт, а таксама медыкаменты, турнікеты і прадукты.
Гэтую дапамогу сабралі беларусы і мэрыя Вільні, пра што дамовілася Святлана Ціханоўская з віленскім мэрам Рэмігіюсам Шымашусам у красавіку.
Фота: CabinetST/Telegram
Фота: CabinetST/Telegram
У Кіеве Кавалеўскі працягне працу над стварэннем прадстаўніцтва Офіса дэмакратычных сілаў. Плануюцца працоўныя сустрэчы з украінскімі ўрадоўцамі, дэпутатамі, экспертамі, журналістамі, прадстаўнікамі грамадзянскай супольнасці.
Фота: CabinetST/Telegram
Фота: CabinetST/Telegram
Аналітыка
Што чакае абаронцаў «Азоўсталі», якія трапілі ў палон
2022.05.24 13:08
Алена Рувіна, belsat.eu
