З партыі прэзідэнта Украіны Уладзіміра Зяленскага «Слуга народу» выключылі адыёзнага дэпутата Яўгена Шаўчэнку. Пра гэта паведамілі ягоныя калегі.
Пра выключэнне Шаўчэнкі з партыі, у прыватнасці, напісаў у Facebook дэпутат Віталь Безгін.
У Telegram пра гэта ж паведаміў іншы прадстаўнік фракцыі – Аляксандр Качура.
«Яўгена Шаўчэнку выключылі з «Слугі народу». Сакратарыяту фракцыі ўсё-ткі атрымалася сабраць неабходную колькасць подпісаў. Матэрыялы будуць перададзеныя ў апарат ВР і зачытаныя на наступным пленарным пасяджэнні. З вызваленнем, Яўген!» – напісаў ён.
Аляксандр Лукашэнка 20 красавіка сустрэўся з украінскім дэпутатам Яўгенам Шаўчэнкам. Паводле Лукашэнкі, сустрэча мусіла стаць добрым сігналам і спрыяць развіццю стасункаў дзвюх краін, бо «ёсць яшчэ ва Украіне людзі, якія паважаюць Беларусь». У фракцыі заявілі, што на перамовах з Лукашэнкам Шаўчэнка выступаў як прыватная асоба, а не як прадстаўнік Украіны.
23 траўня Шаўчэнка паспеў пахваліць Лукашэнку за затрыманне блогера Рамана Пратасевіча.
МГ belsat.eu