Аляксандр Лукашэнка падпісаў закон, які дазваляе блакаванне інтэрнэту. Пра гэта паведамляе БелТА.
Паводле дакументу, у мэтах папярэджання сітуацыяў, «якія ствараюць пагрозу нацыянальнай бяспецы», можа быць абмежаванае і нават спыненае функцыянаванне сетак электрасувязі і сродкаў электрасувязі.
Кіраванне сеткай электрасувязі агульнага карыстання даецца аператыўна-аналітычнаму цэнтру пры прэзідэнце. Невыкананне аператарамі электрасувязі патрабаванняў аб прыпыненні або абмежаванні функцыянавання сетак электрасувязі і сродкаў электрасувязі будзе расцэньвацца як грубае парушэннем заканадаўства аб ліцэнзаванні дзейнасці ў галіне сувязі.
Закон набывае моц пасля афіцыйнага апублікавання.
Інтэрнэт актыўна блакаваўся ў Беларусі ў першыя дні пасля прэзідэнцкіх выбараў 2020 года. За тры дні абмежавання інтэрнэту Беларусь страціла амаль $ 170 млн. Таксама яго абмяжоўвалі падчас нядзельных маршаў. Цяпер такія блакаванні стануць афіцыйнымі.
МГ belsat.eu