«Марыя любіць прасека, але ў турме няма такой магчымасці». Як у Варшаве адзначылі народзіны Марыі Калеснікавай
У Варшаве дзень народзінаў Марыі Калеснікавай адзначылі акцыяй, што прайшла ў цэнтры гораду каля помніку Мікалаю Каперніку.
У Варшаве адбылася акцыя, падчас якой прадстаўнікі штабу Віктара Бабарыкі перадалі словы ад Марыі Калеснікавай, якія яна адправіла на волю.
Імпрэза пачалася гімнам «Пагоня», заспявалі таксама песню, якую Марыя і Максім Знак спявалі на пратэстах у Менску, выступіў музыка Лявон Вольскі.
Удзельнікі акцыі заклікалі пісаць лісты не толькі Марыі, але і ўсім палітзняволеным.
24 красавіка – дзень народзінаў Марыі Калеснікавай, ёй спаўняецца 40 гадоў. Адзначае народзіны палітзняволеная ў гомельскай жаночай калоніі.
Калеснікавай належаць два лозунгі выбарчай кампаніі – 2020: менавіта яна звярнулася да беларусаў са словамі «Вы неймаверныя», а таксама заклікала «дзяўбці, дзяўбці і дзяўбці гэтую ўладу».
6 верасня 2021 года Марыя была асуджаная на 11 гадоў пазбаўлення волі.
Беларускія праваабаронцы прызналі Марыю Калеснікаву палітзняволенай, а «Amnesty International» – вязнем сумлення.
СА belsat.eu
