Мужу Кацярыны Андрэевай Ігару Ільяшу не дазволілі спаткацца з жонкай, спаслаўшыся на дзіўнае абмежаванне.
«Подельникам в один день нельзя», – сказала супрацоўніца Жодзінскай турмы, якая прымала заяву Ігара на спатканне.
«Праблема ў тым, што маці Дашы Чульцовай учора раней за мяне сёння падала заяву. А спатканне са сваякамі фігурантам адной крымінальнай справы нельга мець у адзін дзень», – распавёў Ігар.
Цяпер маці Дашы чакае сустрэчы з дачкой у чарзе.
«Раней я не чуў пра такія абмежаванні. Выглядае на тое, што гэта нейкае ноў-хаў жодзінскай турмы. Адмова ў спатканні падаецца мне абсалютна неабгрунтаванай, а аргументацыя – бессэнсоўнай», – адзначыў Ільяш.
МГМ, belsat.eu