Міністэрства замежных справаў Украіны паведаміла пра дзеянні ў адказ «на недружалюбныя дзеянні Беларусі ў дачыненні супрацоўнікаў украінскіх дыпламатычных установаў у Менску і Берасці». Пра гэта паведаміў прадстаўнік украінскага ведамства Алег Ніколенка.
Украінскае МЗС запатрабавала скараціць колькасць персаналу амбасады Беларусі ва Украіне да 5 чалавек. А ў рэшты скасавала дыпламатычную акрэдытацыю і запатрабавала пакінуць краіну.
Таксама скасоўваецца дазвол на дзеянне ганаровага консула Беларусі ў Львове.
Напярэдадні Беларусь прапанавала частцы ўкраінскіх дыпламатаў пакінуць краіну. Украінская амбасада ў Менску працягне працаваць у фармаце 1+4 (то бок амбасадар плюс чатыры дыпламаты). Консульства Украіны ў Берасці закрыецца.
МЗС Беларусь абвінаваціла ўкраінскі бок у «цынічных спробах распаліць нянавісць паміж народамі».
Раней стала вядома, што Украіну пакінуў беларускі амбасадар Ігар Сокал і яшчэ 11 дыпламатаў.
ПС belsat.eu