У судзе Фрунзенскага раёну сталіцы вынеслі прысуд палітвязню, дызайнеру Дзмітрыю Кубараву. Палітычнага зняволенага прызналі вінаватым паводле ч. 1 арт. 293 КК («Арганізацыя масавых беспарадкаў») і пакаралі 7 гадамі калоніі ўзмоцненага рэжыму, паведамляе карэспандэнт «Белсату».
Паводле абвінавачання, з 9 да 12 жніўня Дзмітрый Кубараў заклікаў людзей да актыўнага ўдзелу ў масавых беспарадках. А таксама і сам арганізоўваў масавыя беспарадкі і ўдзельнічаў у іх. Акрамя таго, ён меў намер рабіць кактэйлі Молатава.
Дызайнера Дзмітрыя Кубарава затрымалі 11 жніўня. На судзе Дзмітрый не прызнаў сваю віну і заявіў, што яго катавалі пасля затрымання.
Суддзя Дзмітрый Лукашэвіч пастанавіў, што хлопец вінаваты паводле ч. 1 арт. 293 КК («Арганізацыя масавых беспарадкаў») і пакараў яго 7 гадамі калоніі ўзмоцненага рэжыму. Дзяржаўнае абвінавачанне прадстаўляла памочніца пракурора Аліна Касьянчык, менавіта яна працавала і на судовым паседжанні ў справе журналістак «Белсату» Кацярыны Андрэевай і Дарʼі Чульцовай.
СК belsat.eu
