Намінальны сярэдні заробак у студзені ў Беларусі склаў 1290 рублёў. У снежні летась сярэдні заробак быў амаль на 185 рублёў большы, паведамляе Белстат.
Паводле падлікаў Белстату, у студзені сёлета сярэдні намінальны заробак у Беларусі склаў 1290 рублёў. У снежні летась афіцыйная статыстыка сведчыла, што сярэдні заробак складаў 1474,6 рубля.
У доларавым эквіваленце заробкі таксама скараціліся з $ 573 у снежні летась да $ 495 у студзені сёлета.
Раней прэм’ер-міністр Раман Галоўчанка пераконваў, што прыбыткі беларусаў у 2020 годзе раслі:
«Цягам года ўстойліва расла заработная плата, у снежні яна дасягнула без малога Br 1,5 тыс. Забяспечаны апераджальны рост даходаў у бюджэтнай сферы, у першую чаргу ў дактароў і настаўнікаў. Мэтавы арыенцір выкананы, суадносіны заработнай платы бюджэтнікаў з сярэдняй па краіне склалі 80,4 %. Практычна цалкам вырашылі задачу зніжэння колькасці арганізацыяў з заробкам менш за Br 500. За мінулы год іх колькасць знізілася больш як у 18 разоў».
СК belsat.eu