Расея прызначыць новага кіраўніка сваёй амбасады ў Беларусі

Расейскую амбасаду ў Беларусі ачоліць Яўген Лук’янаў, які апошнія чатыры гады займаў аналагічную пасаду ў Латвіі, перадае «Коммерсантъ».

Гэта трэцяя змена кіраўніка расейскай дыпламатычнай місіі ў Менску за апошнія тры гады. Раней расейскім паслом у Беларусі быў Дзмітрый Мезенцаў. Ён займаў гэтую пасаду з 30 красавіка 2019 года. Ягоны папярэднік Міхаіл Бабіч заяўляў, што Беларусь мае паглыбляць інтэграцыю з Расеяй, калі хоча і далей атрымліваць фінансавае падтрыманне. Акрамя таго, ён сустракаўся з прадстаўнікамі беларускай апазіцыі. Чакаецца, што Мезенцаў пяройдзе на пасаду дзяржаўнага сакратара саюзнай дзяржавы.

Яўген Лукʼянаў 13 гадоў працаваў у банкаўскай сферы. З 2006 года на дзяржаўнай службе. Яго называюць чалавекам, які не баіцца браць на сябе адказнасць. Новы пасол неаднаразова выказваў сваю рашучую пазіцыю ў праблемных пытаннях. Ён упэўнены, што галоўныя хаўруснікі Расеі – армія і флот, а Майдан арганізавалі заходнія спецслужбы.

ЯП belsat.eu

Hавiны