24 студзеня на старонцы Беларускай чыгункі здарыўся збой сістэмы: перасталі працаваць серверы і ўнутраныя сэрвісы, паведамляецца на афіцыйнай старонцы чыгункі.
Сярод іншага не працуе сэрвіс афармлення электронных праязных дакументаў.
Для афармлення праезду і вяртання электронных праязных дакументаў пасажыраў просяць звяртацца ў білетныя касы. Пры адсутнасці такой магчымасці дзеля вяртання праязных дакументаў прымаюць заявы, у тым ліку і праз электронную пошту: ns@rw.by.
На сайце паведамляецца, што прычына збою – тэхнічная, і што цяпер праводзіцца аднаўленне працаздольнасці сістэмаў.
АД, belsat.eu