На беларускім прадпрыемстве «Белмедпрэпараты» выпусцілі доследную серыю расейскіх вакцын ад каронавіруса «Спутник V» і «Спутник Лайт» па поўным цыкле вытворчасці, паведамляе Мінздароўя.
Першыя валідацыйныя серыі вакцын былі выпушчаны 22 снежня. Плануецца, што сёння, 23 снежня, іх павінны адправіць на кантроль якасці да распрацоўшчыка – у інстытут Гамалеі ў Расею.
У міністэрстве паведамілі, што па планах – яны будуць закладзены на даследаванні стабільнасці. На гэтых узорах будзе даследавацца стабільнасць прэпарата пры захоўванні.
Іншая расейская вакцына «Спутник» вырабляецца ў Беларусі з вясны гэтага года.
АД, belsat.eu