У Менску затрымалі супрацоўніка Міністэрства фінансаў. На відэа, якое з’явілася ў праўладных Telegram-каналах, мужчына «прызнаецца», што перадаваў звесткі «Чорнай кнізе Беларусі».
У Менску затрыманы супрацоўнік Мінфіну, былы выкладчык Беларускага дзяржаўнага тэхналагічнага ўніверсітэту. Відэа з ім распаўсюдзілі ў праўладных Telegram-каналах. Мужчына «прызнаецца», што перадаваў «Чорнай кнізе Беларусі» звесткі пра былых калегаў, быў падпісаны на «дэструктыўныя» каналы, удзельнічаў у акцыях пратэсту, абражаў супрацоўнікаў міліцыі.
Таксама праваабарончы цэнтр «Вясна» паведамляе пра затрыманне галоўнага энергетыка прадпрыемства «СветлагорскХімвалакно» Канстанціна Дзікуна і вядучага эканаміста прадпрыемства Руслана Міхаленкі. Прычына – каментары ў інтэрнэце.
А ў Верхнядзвінску затрыманая грамадская актывістка Валянціна Болбат, удома праведзены ператрус. Прычыны пераследу невядомыя.
Сяргей Крот belsat.eu