Камітэт дзяржаўнай бяспекі Беларусі прызнаў выданне Hrodna.life «экстрэмісцкім фармаваннем». Медыя ўнеслі ў адпаведны пералік, апублікаваны на сайце МУС.
На сайце Міністэрства ўнутраных справаў апублікавалі абноўлены пералік арганізацыяў, датычных да «экстрэмісцкай дзейнасці». Туды ўнеслі выданне Hrodna.life. Адпаведную пастанову 11 лістапада прыняў КДБ, гаворыцца ў дакуменце.
«Група грамадзян з ліку стваральнікаў, удзельнікаў і адміністратараў інтэрнэт-рэсурсу Hrodna.life, Telegram-каналаў «Гродна like!», «Hrodna One Love», а таксама YouTube-каналу «Hrodna One Love» ажыццяўляе экстрэмісцкую дзейнасць», – пазначаецца ў дакуменце.
Раней у спіс «экстрэмісцкіх фармаванняў» трапілі іншыя медыі, у тым ліку «Белсат», «Еўрарадыё», радыё «Свабода», KYKY, БелаПАН, «Наша ніва».
Сяргей Крот belsat.eu